Օդի մաքրման և ախտահանման UV ռեցիրկուլյատորների կիրառությունը հիվանդանոցներում և պոլիկլինիկաներում
"VD" շարքի օդի մանրէասպան ճառագայթիչ-ռեցիրկուլյատորները նախատեսված են ցանկացած նշանակության տարածքների օդի ախտահանման համար: Այն հնարավոր է շահագործել՝
• Մարդկանց ներկայությամբ, որը՝
կանխում է փակ տարածքներում վարակակիրների հազի, փռշտոցի, խոսքի, շնչառության հետևանքով առաջացած օդի ախտածին կոնցենտրացիայի բարձրացումը՝ այդպիսով նվազեցնելով օդակաթիլային ճանապարհով փոխանցվող հիվանդությունների տարածումը փակ տարածքներում՝ կանխարգելելով համաճարակային լարվածությունը:
• Մարդկանց բացակայության դեպքում՝
նվազեցնում է փակ տարածքներում օդի մանրէաբանական աղտոտումը (որպես սանիտարահիգիենիկ համալիր միջոցառումների վերջնական փուլ):
Օդը մղվում է իր մեջ տեղակայված ուլտրամանուշակագույն (ՈՒՄ) ճառագայթիչներով հագեցած խցիկով, որի կառուցվածքն ապահովում է օդի անցման արգելակումը ներսում և ունի լուսային ծուղակներ, որոնք բացառում են ուլտրամանուշակագույն ճառագայթների ուղիղ թափանցումն արտաքին միջավայր: Օդը, անցնելով ՈՒՄ ճառագայթման խցիկով, մանրէազերծվում է վիրուսներից, բակտերիաներից, սնկերից և դրանց սպորներից, որի արդյունքում ելքի օդի զանգվածը գործնականում դառնում է ստերիլ:
ՈՒՄ մանրէասպան ճառագայթիչներն ի վիճակի են ոչնչացնել օդում առկա վիրուսների, մանրէների և բակտերիաների 99,9% -ը (ախտահանման եռաստիճան էֆեկտիվությամբ տվյալները ներկայացված են սարքի տեխ.անձնագրի Աղյուսակ 1-ում):
Սարքը պաշտպանված է ՈՒՄ ճառագայթներով հրապուրված միջատների ներթափանցումից:
Սարքը և դրա բաղադրիչները փոշով աղտոտումից զերծ պահելու համար, ընդունող օդափոխիչը հագեցած է օդի մաքրման ֆիլտրով, որը հեշտությամբ հնարավոր է մաքրել կամ փոխարինել նորով:
Սարքը չի տաքանում:
Օզոն գազի արտանետումը լիովին բացառվում է՝ օզոն չգեներացնող մանրէասպան ճառագայթիչների օգտագործման պատճառով:
Տարածքի նշանակությամբ և ծավալով պայմանավորված՝ օդի մանրէազերծման ռեցիրկուլյատորի մոդելի ճիշտ ընտրությունը, ինչպես նաև սենյակում ճիշտ տեղակայումն ապահովում է օդի ստերիլության բարձ ցուցանիշ:
Հաշվի առնելով այն փաստը, որ ուլտրամանուշակագույն ուղիղ ճառագայթումը չի թափանցում արտաքին միջավայր, ախտահանումը կարելի է կատարել մարդկանց, կենդանիների և բույսերի ներկայությամբ իրական ժամանակում:
Օդի մանրէազերծման սարքավորումները հնարավոր է տեղակայել ստացիոնար՝ պատին տեղակայմամբ՝ ուղղահայաց կամ հորիզոնական դիրքով, ինչպես նաև՝ շարժական հարթակի վրա, որն այն կդարձնի շարժական ախտահանող միավոր և հնարավորություն կտա միևնույն սարքով ախտահանել տարբեր տեղակայման տարածքներ:
